മുംബൈയിലെ മാർവാടിയിൽ നിന്ന് എഴുപത് ലക്ഷം കവർന്നു; കൊയിലാണ്ടിയിലെ മുൻ വി.എച്ച് പി പ്രവർത്തകൻ അറസ്റ്റിൽ

കൊയിലാണ്ടി: മുംബൈയിലെ മാർവാടിയിൽ നിന്ന് എഴുപത് ലക്ഷം കവർന്നുവെന്ന കേസിൽ കൊയിലാണ്ടിയിലെ മുൻ ആർ.എസ്.എസ്, വി.എച്ച് പി പ്രവർത്തകൻ അറസ്റ്റിലായി. കൊയിലാണ്ടി പുളിയഞ്ചേരി അട്ടവയലിൽ സ്വദേശി സുജിൻ രാജ് (ഹണി) നെയാണ് പോലീസ് അറസ്റ്റ് ചെയ്തത്. മുംബൈയിൽ നിന്ന് എത്തിയ പ്രത്യേക പോലീസ് സംഘമാണ് ഇയാളെ കസ്റ്റഡിയിലെടുത്തത്. ഇയാളെ കൊയിലാണ്ടി കോടതിയിൽ ഹാജരാക്കിയ ശേഷം മുംബൈയി‌ലേക്ക് കൊണ്ടുപോയി. 

     കൊയിലാണ്ടി സ്വദേശിയായ മറ്റൊരു പ്രതിയെയും കസ്റ്റഡിയെലടുത്തതായാണ് സൂചന. പാലക്കാട് മുതൽ മംഗളൂരു വരെയുള്ള പലരും ഇതിൽ ഉൾപ്പെടുന്നു എന്നാണ് പോലീസിന്റെ നിഗമനം. കേസിൽ ഉൾപ്പെട്ട കൂടുതൽ പ്രതികളെ കണ്ടെത്താനുള്ള ശ്രമത്തിലാണ് മുംബൈ പോലീസ്.