കോഴിക്കോട്ട് ഭിന്നശേഷി കുട്ടികൾ നടത്തുന്ന കട സാമൂഹ്യ വിരുദ്ധർ അടിച്ചുതകർത്തു

കോഴിക്കോട്: കോഴിക്കോട് ബീച്ചിൽ ഭിന്നശേഷി കുട്ടികൾ നടത്തുന്ന കട സാമൂഹ്യ വിരുദ്ധർ അടിച്ചുതകർത്തു. 'കൈത്താങ്ങ്' എന്ന പദ്ധതിയുടെ ഭാഗമായി നടത്തിയിരുന്ന കടയാണ് അജ്ഞാതർ ആക്രമിച്ചത്. ഇന്നലെ കട തുറക്കാൻ വന്നപ്പോഴായിരുന്നു ആക്രമണം നടന്ന വിവരം കുട്ടികൾ അറിയുന്നത്.

    ഭിന്നശേഷിക്കാരായ കുട്ടികൾക്കുള്ള പിന്തുണ എന്ന നിലയിലാണ് കോഴിക്കോട് ബീച്ചിൽ കടയിട്ട് നൽകിയിരുന്നത്. ഈ കടയാണ് സാമൂഹ്യ വിരുദ്ധർ ആക്രമിച്ചത്. നിലവിൽ കട പുനഃസ്ഥാപിക്കുകയും പൊലീസിൽ പരാതി നൽകുകയും ചെയ്തിട്ടുണ്ട്.