കുറ്റ്യാടിയിൽ തെരുവുനായ ആക്രമണത്തിൽ വിദ്യാർത്ഥികൾ ഉൾപ്പെടെ മൂന്നുപേർക്ക് പരിക്ക്

കുറ്റ്യാടി: ദേവർകോവിൽ അങ്ങാടിയിൽ

തെരുവു നായ ആക്രമണത്തിൽ വിദ്യർത്ഥികൾ ഉൾപ്പെടെ മൂന്ന് പേർക്ക് പരിക്ക്. ഇന്നലെ സ്കൂ‌ളിൽ നിന്ന് പരീക്ഷ കഴിഞ്ഞ് വീട്ടിലേക്ക് പോവുകയായിരുന്ന അഞ്ചാം ക്ലാസ് വിദ്യാർത്ഥികളായ ഷെയ്ഖ (10), മുഹമ്മദ് സിദാൻ (10) എന്നിവരെയും ബൈക്കിൽ പോവുകയായിരുന്ന റഹിമ എന്ന യുവതിയെയുമാണ് നായ ആക്രമിച്ചത്.

    പരിക്കേറ്റ വിദ്യാർത്ഥികളെ കോഴിക്കോട് മെഡിക്കൽ കോളേജിലും റഹിമയെ കുറ്റ്യാടി താലൂക്ക് ആശുപത്രിയിലും പ്രവേശിപ്പിച്ചു. പട്ടിയെ നാട്ടുകാർ തല്ലിക്കൊന്നു. തുടർന്ന് കായക്കൊടി പഞ്ചായത്ത് അധികൃതർ പട്ടിയെ പോസ്റ്റ്മോർട്ടത്തിനായി കണ്ണൂരിലേക്ക് കൊണ്ടു പോയി.