കുറ്റ്യാടിയിൽ ബൈക്കും കാറും കൂട്ടിയിടിച്ച് ബൈക്ക് യാത്രികൻ മരിച്ചു

കുറ്റ്യാടി: കുറ്റ്യാടിയിൽ ബൈക്കും കാറും കൂട്ടിയിടിച്ച് ബൈക്ക് യാത്രികൻ മരിച്ചു. നാദാപുരം സ്വദേശി പോക്കൻവീട്ടിൽ ഷംസീർ ആണ് മരിച്ചത്. മുപ്പത്തിയാറ് വയസായിരുന്നു. കുറ്റ്യാടി കടേക്കൽചാൽ പെട്രോൾ പമ്പിന് സമീപത്തുവെച്ചായിരുന്നു അപകടം. കുറ്റ്യാടി ആശുപത്രിയിൽ മടങ്ങിവരികയായിരുന്നു ഷംസീർ.   

     മഞ്ചേരിയിൽ നിന്നും കുറ്റ്യാടി താലൂക്ക് ആശുപത്രിയിലേക്ക് പോകുകയായിരുന്നു കാർ യാത്രികർ. അപകടത്തിൽ പരിക്കേറ്റ ഷംസീറിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. പോക്കൻവീട്ടിൽ അന്തുവിൻ്റെയും സുബൈദയുടെയും മകനാണ്. ഭാര്യ: വഹീമ.