പാലക്കാട് സ്കൂളിലെ സ്ഫോടനം: വീട്ടിൽ സ്ഫോടക ശേഖരം കണ്ടെത്തി

പാലക്കാട്: പാലക്കാട് സ്കൂളിലെ സ്ഫോടനവുമായി ബന്ധപ്പെട്ട് കല്ലേക്കാട് വീട്ടിൽ പൊലീസ് പരിശോധന നടത്തി. കല്ലേക്കാട് സ്വദേശിയും ബിജെപി പ്രവർത്തകനുമായ സുരേഷിന്റെ വീട്ടിലാണ് പരിശോധന നടത്തിയത്. വീട്ടിൽ നിന്ന് സ്ഫോടക ശേഖരം കണ്ടെത്തി.മറ്റ് രണ്ട് പേർ കൂടി കസ്റ്റഡിയിൽ ഉണ്ടെന്നാണ് സൂചന. സ്കൂളിലെ ബോംബ് സ്ഫോടനവുമായി ബന്ധപ്പെട്ട് കൃത്യമായ അന്വേഷണമാണ് നടക്കുന്നതെന്ന് സിപിഐഎം പാലക്കാട് ജില്ലാ സെക്രട്ടറി ഇ എൻ സുരേഷ് വ്യക്തമാക്കി. ഇതിന്റെ ഭാഗമായി നടന്ന റെയ്‌ഡിലാണ് കല്ലേക്കാട് നിന്ന് സ്ഫോടക വസ്തുക്കൾ കണ്ടെത്തിയത്.

     കല്ലേക്കാട് സുരേഷ് ആർ എസ് എസ് ബിജെപി പ്രവർത്തകൻ ആണെന്നും ആർ എസ് എസ് കേന്ദ്രങ്ങളിൽ നിന്ന് സ്ഫോടക വസ്തുക്കളും രാസവസ്തുക്കളുമാണ് പിടിച്ചെടുത്തത്. ആർ എസ് എസ് കേന്ദ്രങ്ങളിൽ സ്ഫോടക വസ്തുക്കൾ നിർമിക്കുന്നുണ്ട്. ആർ എസ് എസ് കേന്ദ്രങ്ങളിൽ റെയ്‌ഡ് വേണമെന്നും ഇ എൻ സുരേഷ് വ്യക്തമാക്കി.