കോടേരിച്ചാലിൽ ബൈക്കും മിൽമവാനും കൂട്ടിയിടിച്ച് യുവാവ് മരിച്ചു

പേരാമ്പ്ര: കോടേരിച്ചാലിൽ ബൈക്കും മിൽമവാനും കൂട്ടിയിടിച്ചുണ്ടായ അപകടത്തിൽ യുവാവ് മരിച്ചു. നന്മണ്ട സ്വദേശി കോളിയോട് മല എരങ്കകൂട്ടത്തിൽ മനോജിന്റെ മകൻ ഷാനുലാൽ(21) ആണ് മരിച്ചത്. ഇന്നലെ ഉച്ചക്ക് 2 മണിയോട് കൂടി കോടേരിച്ചാൽ കനാൽ പാലത്തിന് സമീപമാണ് അപകടം.

     ബൈക്ക് ഓട്ടോറിക്ഷയെ മറികടക്കുന്നതിനിടയിൽ ബൈക്കും എതിർ വശത്തുനിന്നും വന്ന മിൽ മവാനും തമ്മിൽ  കൂട്ടിയിടിക്കുകയായിരുന്നു. ഉടൻ തന്നെ ഷാനു ലാലിനെ പേരാമ്പ്ര ഇഎംഎസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അമ്മ:ശ്രീജ അര മണിക്കൂർ കോളിയോട് മലയിൽ പൊതുദർശനത്തിന് ശേഷം സംസ്കാരം പേരാമ്പ്രയിൽ.