കിനാലൂരിൽ രക്തം പുരണ്ട അടി വസ്ത്രങ്ങളുമായി ബിഹാർ സ്വദേശി പിടിയിൽ

ബാലുശ്ശേരി: കിനാലൂരിൽ രക്തം പുരണ്ട അടി വസ്ത്രങ്ങളുമായി ബിഹാർ സ്വദേശിയെ നാട്ടുകാർ പിടികൂടി. ഇന്ന് രാവിലെയാണ് സംഭവം. കിനാലൂർ പാറതലക്കൽ ബാബുരാജിൻ്റെ വീട്ടുമുറ്റത്താണ് ഇയാളെ കണ്ടെത്തിയത്. രക്തം പുരണ്ട നിലയിൽ സ്ത്രീയുടെ അടിവസ്ത്രങ്ങളും ഒരും ജോഡി ഷൂവും ഇയാളുടെ കയ്യിലുണ്ടായിരുന്നു.

     ഇയാൾക്കും തലയ്ക്ക് പരിക്കുണ്ടായിരുന്നു. രക്തമൊലിക്കുന്ന നിലയിൽ മുറിവേറ്റിരുന്നു. ഇയാൾ കിനാലൂർ ചെരുപ്പ് കമ്പനിയിൽ ജോലിക്കാരനാണ്. നാട്ടുകാർ ബാലുശ്ശേരി പോലീസിനെ വിവരമറിയിക്കുകയും പോലീസെത്തി അന്വേഷണം ആരംഭിച്ചു.എന്താണ് സംഭവിച്ചതെന്ന് വ്യക്തമല്ല. ഇയാൾ മദ്യപിച്ചിരുന്നതിനാൽ കൃത്യമായ മൊഴി എടുക്കാൻ സാധിച്ചിട്ടില്ല. തലയ്ക്ക് ആഴമുള്ള പരിക്കേറ്റിട്ടുണ്ട്. പരിക്കേറ്റ ഇയാളെ പോലീസ് ബാലുശ്ശേരി താലൂക്ക് ആശുപത്രിയിലേയ്ക്ക് കൊണ്ട് പോയി.