തെങ്ങിൽ കുടുങ്ങിയ യുവാവിനെ അഗ്‌നിശമനസേന അതിസാഹസികമായി രക്ഷപ്പെടുത്തി

പേരാമ്പ്ര: മുതുകാട് ക്ഷേത്രത്തിനു സമീപം തെങ്ങിൽ കുടുങ്ങിയ യുവാവിനെ അഗ്‌നിശമനസേന അതിസാഹസികമായി രക്ഷപ്പെടുത്തി. ചക്കിട്ടപാറ സ്വദേശി ആലിയിൽ സഞ്ജു ആണ് തെങ്ങിൽ കുടുങ്ങിയത്. വൈകിട്ട് നാലുമണി യോടെയായിരുന്നു സംഭവം. തെങ്ങു കയറ്റയന്ത്രം തകരാറായതിനാലെ തുടർന്ന് 40 അടി ഉയരമുള്ള തെങ്ങിന്റെ മുകളിൽ കുടുങ്ങി പോവുകയായിരുന്നു. ഏറെ നേരം തെങ്ങിൽ പിടിച്ചുനിന്ന സഞ്ജു അവശനായിരുന്നു. സേനാംഗമായ വിനീത് മറ്റൊരുയന്ത്രത്തിൽ തെങ്ങിൽ കയറി കാരമൻ്റൽ റോപ്പ്, സേഫ്റ്റി സ്ലിംങ്ങ്, പുള്ളി എന്നിവയുടെ സഹായത്തോടെ പരിക്കൊന്നും കൂടാതെ സഞ്ജുവിനെ താഴെ ഇറക്കുകയായിരുന്നു.

      പേരാമ്പ്ര അഗ്‌നിരക്ഷാ നിലയത്തിൽ നിന്നും അസിസ്റ്റന്റ്റ് സ്റ്റേഷൻ ഓഫീസർ എം.പ്രദീപൻ, ഗ്രേഡ് അസിസ്റ്റൻ്റ് സ്റ്റേഷൻ ഓഫീസർ എം.ഹരീഷ്, സീനിയർ ഫയർ ആൻഡ് റെസ‌് ഓഫീസർ വിനോദ് എന്നിവരുടെ നേതൃത്വത്തിൽ എത്തിയ രണ്ട് യൂണിറ്റ് ഫയർഫോഴ്സാണ് രക്ഷാ പ്രവർത്തനത്തിനെത്തിയത്. നിലയത്തിലെ ഉദ്യോഗസ്ഥരായ സത്യനാഥ്, അഭിലജ്പത്ത് ലാൽ, വിപിൻ കെ പി, മകേഷ്, അശ്വിൻ, ജിഷാദ്, സനൂപ്, സജിത്ത്, രജീഷ്, ഹോം ഗാർഡ് അജീഷ്, മുരളീധരൻ എന്നിവരും രക്ഷാപ്രവർത്തനത്തിൽ പങ്കെടുത്തു.