കൊയിലാണ്ടി ബപ്പൻങ്ങാട് ട്രെയിനിൽ നിന്ന് വീണ് യുവാവ് മരിച്ചു

കൊയിലാണ്ടി: ബപ്പൻങ്ങാട് ട്രെയിനിൽ നിന്ന് വീണ് യുവാവ് മരിച്ചു. കണ്ണൂര് തളിപ്പറമ്പ് സ്വദേശി മഹേഷ് ആണ് മരിച്ചത്. മുപ്പത്തിയൊന്ന് വയസായിരുന്നു. മംഗള ലക്ഷദ്വീപ് എക്‌സ്പ്രസിൽ നിന്നാണ് വീണത്.പാലക്കാട് നെമ്മാറയിൽ നിന്നും സഹോദരിയുടെ വീടായ കണ്ണൂർ തളിപ്പറമ്പിലേക്ക് പോകുകയായിരുന്നു ഇവർ. 

     ഇയാൾക്കൊപ്പം അച്ഛനും അമ്മയും ഉണ്ടായിരുന്നു. കണ്ണൂർ ഭാഗത്തേക്ക് പോകുകയായിരുന്ന ട്രെയിനിൽ നിന്നും കൊയിലാണ്ടി ബപ്പൻങ്ങാട് ഭാഗത്തേക്ക് തെറിച്ചു വീഴുകയായിരുന്നു. മൃതദേഹം കൊയിലാണ്ടി താലൂക്ക് ആശുപത്രിയിലേക്കും ഇവിടെ നിന്നും കോഴിക്കോട് മെഡിക്കൽ കോളേജിലേക്കും മാറ്റി.