സംസ്ഥാനത്ത് ഇന്ന് ട്രെയിൻ ഗതാഗതത്തിൽ നിയന്ത്രണം;ചില ട്രെയിനുകൾ റദ്ദാക്കി

തിരുവനന്തപുരം: സംസ്ഥാനത്ത് ഇന്ന് ട്രെയിൻ ഗതാഗതത്തിൽ നിയന്ത്രണം ഏർപ്പെടുത്തി. ആലപ്പുഴ– ഓച്ചിറ സ്റ്റേഷൻ യാർഡുകളിലെ അറ്റകുറ്റപ്പണിയെ തുടർന്നാണ് റയിൽവെ നിയന്ത്രണം ഏർപ്പെടുത്തിയത്. നിസാമുദീൻ- തിരുവനന്തപുരം സൂപ്പർ ഫാസ്റ്റ്, ചെന്നൈ-തിരുവനന്തപുരം സൂപ്പർഫാസ്റ്റ്, തിരുവനന്തപുരം-എംജിആർ ചെന്നൈ വീക്ക് ലി സൂപ്പർഫാസ്റ്റ് എന്നിവ ഭാഗികമായി റദ്ദാക്കി. ചില ട്രെയിനുകൾ വൈകിയോടുമെന്നും റയിൽവെ വ്യക്തമാക്കി.

     മംഗളൂരു- തിരുവനന്തപുരം എക്സ്പ്രസ് , രാമേശ്വരം – തിരുവനന്തപുരം അമൃത എക്സ്പ്രസ്, ഗുരുവായൂർ – താംബരം എക്സ്പ്രസ്, നിലമ്പൂർ – തിരുവനന്തപുരം രാജ്യ റാണി എക്സ്പ്രസ് , തിരുപ്പതി – കൊല്ലം ജംങ്ഷൻ വീക്ക്ലി എക്സ്പ്രസ്, ചെന്നൈ സെൻട്രൽ – തിരുവനന്തപുരം സെൻട്രൽ സൂപ്പർഫാസ്റ്റ്, മംഗളൂരു- തിരുവനന്തപുരം മലബാർ എക്സ്പ്രസ്, ചെന്നൈ എഗ് മോർ – ഗുരുവായൂർ എക്സ്പ്രസ് എന്നിവ വൈകിയോടും. കൊല്ലം – ആലപ്പുഴ മെമു,കൊല്ലം ജംങ്ഷൻ-എറണാകുളം ജംങ്ഷൻ എക്സ്പ്രസ്, മംഗളൂരു – തിരുവനന്തപുരം അന്ത്യോദയ എക്സ്പ്രസ് എന്നീ ട്രെയിനുകളും വൈകും.