റവന്യു ജില്ലാ സ്കൂ‌ൾ കലോത്സവത്തിൽ കോഴിക്കോട് സിറ്റി ഉപജില്ല കിരീടംചൂടി

  കൊയിലാണ്ടി: റവന്യു ജില്ലാ സ്കൂ‌ൾ കലോത്സവത്തിൽ കോഴിക്കോട് സിറ്റി ഉപജില്ല കിരീടംചൂടി. 1010 പോയിന്‍റ് നേടിയാണ് സിറ്റി ഉപജില്ല ഒന്നാമതെത്തിയത്. ചേവായൂർ ഉപജില്ല 920 പോയിന്റ് നേടി രണ്ടാം സ്ഥാനവും. തോടന്നൂർ 919 പോയിന്റുമായി മൂന്നാം സ്ഥാനത്തും 895 പോയിന്റുമായി കൊയിലാണ്ടി, പേരാമ്പ്ര ഉപജില്ലകൾ നാലാംസ്ഥാനവും കരസ്ഥമാക്കി.

   ഹൈസ്കൂ‌ൾ വിഭാഗത്തിൽ സിൽവർ ഹിൽസ് കോഴിക്കോട് ഒന്നാം സ്ഥാനവും. മേമ്മുണ്ട എച്ച് എസ് എസ് 313 പോയിന്റുമായി രണ്ടാംസ്ഥാനവും, 222 പോയിന്റുമായി പേരാമ്പ്ര മുന്നാംസ്ഥാനവും, കൊയിലാണ്ടി ഉപജില്ലയിലെ തിരുവങ്ങൂർ ഹയർ സെക്കണ്ടറി നാലാം സ്ഥാനവും കരസ്ഥമാക്കി.

  ഹയർ സെക്കണ്ടറി തലത്തിൽ കോഴിക്കോട് റൂറലിലെ റഹ്‌മാനിയ സ്കൂ‌ൾ ഫോർ ഹാൻ്റികാപ്പ്ഡ് ആണ് ഒന്നാം സ്ഥാനവും, തോടന്നൂർ ഉപജില്ലയിലെ മേമുണ്ട ഹയർ സെക്കണ്ടറി സ്കൂൾ രണ്ടാം സ്ഥാനവും നേടി. യുപി വിഭാഗം ഓവർ ഓൾ ചാമ്പ്യൻഷിപ്പ് നേടി പേരാമ്പ്ര സെന്റ് ഫ്രാൻസിസ് ഇംഗ്ലീഷ് മീഡിയം ഹൈസ്കൂൾ ഒന്നാമതായി.