ശബരിമല സ്വർണ്ണ മോഷണ കേസ്; പ്രതി കെ എസ് ബൈജുവിനെ കസ്റ്റഡിയിൽ വിട്ടു

  പത്തനംതിട്ട :ശബരിമല സ്വർണ്ണ മോഷണ കേസിൽ അറസ്റ്റ് ചെയ്ത ദേവസ്വം ബോ‍ർഡ് മുൻ തിരുവാഭരണം കമ്മീഷണർ കെ എസ് ബൈജുവിനെ കസ്റ്റഡിയിൽ വിട്ടു. ഇന്ന് വൈകുന്നേരം 4 മണി വരെയായിരുന്നു സ്പെഷ്യൽ ഇൻവെസ്റ്റിഗേഷൻ ടീമിന്റെ കസ്റ്റഡിയിൽ വിട്ടത്.

    ദ്വാരപാലക ശില്പങ്ങളുടെ കേസിലാണ് സ്പെഷ്യൽ ഇൻവെസ്റ്റിഗേഷൻ ടീം കസ്റ്റഡി ആവശ്യപ്പെട്ടത്. 2019 ജൂലൈ 19ന് സ്വർണ്ണ പാളികൾ അഴിച്ചപ്പോൾ ഹാജരാകാതെ മേൽനോട്ടചുമതല വഹിക്കുന്നതിൽ ഗുരുതരവീഴ്ച വരുത്തിയെന്നാണ് എസ്ഐടിയുടെ കണ്ടെത്തൽ. കട്ടിള പാളിയിലെ സ്വർണ കവർച്ച കേസിൽ കെ എസ് ബൈജുവിന്റ ജാമ്യാപേക്ഷ കോടതി തള്ളി.

  മേൽനോട്ട ചുമതലയുള്ള ബൈജു അന്നേ ദിവസം വിട്ടു നിന്നത് ഗുരുതരവീഴ്ച വരുത്തിയെന്നാണ് സ്പെഷ്യൽ ഇൻവെസ്റ്റിഗേഷൻ ടീമിന്റെ കണ്ടെത്തൽ. സ്വർണപാളികളുടെ തൂക്കം ഉള്‍പ്പെടെ കൃത്യമായി രേഖപ്പെടുത്തേണ്ടിയിരുന്നത് ബൈജുവാണ്. എന്നാൽ അന്ന് സംഭവ സ്ഥലത്ത് ഇല്ലാതിരുന്നതില്‍ ദുരൂഹതയുണ്ടെന്ന് വിജിലന്‍സ് റിപ്പോര്‍ട്ടില്‍ ചൂണ്ടിക്കാട്ടിയിരുന്നു.