കൊയിലാണ്ടി പാലക്കുളം ദേശീയപാതയിൽ ചരക്ക് ലോറികളും മീൻവണ്ടിയും തമ്മിൽ കൂട്ടിയിടിച്ചു

കൊയിലാണ്ടി: ഇന്ന് പുലർച്ചെ രണ്ടരയോടെ കൊയിലാണ്ടി പാലക്കുളം ദേശീയപാതയിൽ രണ്ട് ചരക്ക് ലോറികളും ഒരു മീൻവണ്ടിയും തമ്മിൽ കൂട്ടിയിടിയിലാണ് ഗതാഗതം മണിക്കൂറുകളോളം തടസ്സപ്പെട്ടത്. അപകടത്തെ തുടർന്ന് ഒരു ചരക്ക് ലോറിയുടെ ക്യാബിനിൽ ഡ്രൈവർ കുടുങ്ങിക്കിടക്കുന്നതായി വിവരം ലഭിച്ചതോടെ കൊയിലാണ്ടി അഗ്നിരക്ഷാസേന എത്തി. കോഴിക്കോട് ഭാഗത്തേക്ക് പോവുകയായിരുന്ന ലോറിയിൽ രാജസ്ഥാൻ സ്വദേശിയായ ഡ്രൈവറുടെ കാൽ കുടുങ്ങി കിടക്കുകയായിരുന്നു. ഹൈഡ്രോളിക് കട്ടർ ഉപയോഗിച്ച് ക്യാബിൻ വാതിൽ മുറിച്ചു മാറ്റിയാണ് സേന ഇയാളെ സുരക്ഷിതമായി പുറത്തെടുത്തത്. തുടർന്ന് കൊയിലാണ്ടി ഗവൺമെൻ്റ് ആശുപത്രിയിൽ പ്രവേശിപ്പിച്ചു.

      അപകടത്തിൽ രണ്ടു ലോറികളുടെയും ഡീസൽ ടാങ്കുകൾ പൊട്ടി ഇന്ധനം റോഡിലേക് പരന്നിരുന്നു. ക്രെയിൻ സഹായത്തോടെ വാഹനങ്ങളെ റോഡിലേക്ക് മാറ്റുകയും റോഡിലാണായിരുന്ന ഡീസൽ വൈറോഡിലുണ്ടായിരുന്ന ഡീസൽ വെള്ളം ഉപയോഗിച്ച് അഗ്നിരക്ഷാ സേന കഴുകിക്കളയുകയും ചെയ്‌തു.

     സീനിയർ ഫയർ ആൻഡ് റെസ് ഓഫീസർ അനൂപ് ബി. കെ.യുടെ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ ഹേമന്ത് ബി., നിധിപ്രസാദ് ഇ.എം., ലിനീഷ് എം., അനൂപ് എൻ.പി., രജീഷ് വി.പി., ഷാജു കെ. എന്നിവരും ഹോം ഗാർഡുകളായ ബാലൻ ടി.പി., രാജേഷ് കെ.പി., പ്രതീഷ് എന്നിവർ രക്ഷാ പ്രവർത്തനത്തിൽ പങ്കെടുത്തു.