മലയാളി വിദ്യാര്ത്ഥിനി രാജസ്ഥാനിലെ ഹോസ്റ്റലില് മരിച്ച നിലയില്
രാജസ്ഥാന് ശ്രീഗംഗാനഗര് വെറ്ററിനറി കോളേജിലെ മൂന്നാം വര്ഷ വിദ്യാര്ഥിനി
NDR News
01 Dec 2025 02:32 PMകണ്ണൂര്: മലയാളി വിദ്യാര്ത്ഥിനിയെ രാജസ്ഥാനിലെ ഹോസ്റ്റലില് മരിച്ച നിലയില് കണ്ടെത്തി. കാവിന്മൂല മിടാവിലോട് പാര്വതി നിവാസില് വസന്തന്-സിന്ധു ദമ്പതികളുടെ ഏക മകള് പൂജ(23)യെയാണ് തൂങ്ങിമരിച്ച നിലയില് കണ്ടെത്തിയത്.
രാജസ്ഥാന് ശ്രീഗംഗാനഗര് ഗവ. വെറ്ററിനറി കോളേജിലെ മൂന്നാം വര്ഷ വിദ്യാര്ഥിനിയായിരുന്നു പൂജ. 28-ന് രാത്രിയോടയാണ് പെണ്കുട്ടി ആത്മഹത്യ ചെയ്തെന്ന വിവരം വീട്ടുകാര് അറിയുന്നത്. കഴിഞ്ഞ ദിവസം മൃതദേഹം നാട്ടിലെത്തിച്ച് സംസ്കരിച്ചു. പൂജയുടെ അച്ഛന് ഓട്ടോഡ്രൈവറും അമ്മ എഇഎസ് ഇംഗ്ലീഷ് മീഡിയം സ്കൂള് ജീവനക്കാരിയുമാണ്.
