വില്യാപ്പള്ളിയിൽ റോഡരികിലെ കുഴിയിൽ വീണ് കാൽനട യാത്രക്കാരൻ മരിച്ചു

വടകര: വില്യാപ്പള്ളി അമരാവതിയിൽ റോഡ് വികസനത്തിൻ്റെ ഭാഗമായി നിർമിക്കുന്ന കലുങ്കിനോട് ചേർന്ന കുഴിയിൽ വീണ് കാൽനട യാത്രക്കാരൻ മരിച്ചു. അമരാവതിയിലെ  ഏലത്ത് മൂസയാണ് (55) മരിച്ചത്. അമരാവതിയിലെ ജയകേരള കലാ വേദിക്ക് സമീപം പ്രവൃത്തി നടക്കുന്ന ഓവ് പാലത്തിന്റെ കുഴിയിൽ വീണ നിലയിൽ ഞായറാഴ്ച രാത്രി 11.30നാണ് കാണപ്പെടുന്നത്. ഉടൻ ആശുപത്രിയിൽ എത്തിച്ചെങ്കിലും മരണപ്പെട്ടതായി ഡോക്‌ടർ സ്ഥിരീകരിച്ചു. 

      ഇദ്ദേഹം വൈകീട്ട് ആറ് മണിയോടെ കടയിൽ പോയതായിരുന്നു. സാധനങ്ങൾ വാങ്ങി മടങ്ങുമ്പോഴാണ് അപകടം. അബദ്ധത്തിൽ കുഴിയിൽ വീണതാണെന്ന് കരുതുന്നു. തലയുടെ ഭാഗം കുഴിയിലേക്ക് താഴ്ന്ന നിലയിലാണ് നാട്ടുകാർ കണ്ടെത്തിയത്. മൃതദേഹം വടകര ജില്ലാ ആശുപത്രി മോർച്ചറിയിൽ.