ട്രാഫിക് നിയമലംഘനത്തില് നടപടി കര്ശ്ശനമാക്കും ;പിഴ അടച്ചില്ലെങ്കില് ലൈസന്സും, ആര്സിയും പോകും
നിയമലംഘകരുടെയും വാഹനങ്ങളുടെ വിവരങ്ങള് വാഹന-സാരഥി പോര്ട്ടലിലേക്കും കൈമാറും.
NDR News
13 Jan 2026 08:02 AMതിരുവനന്തപുരം:ട്രാഫിക് നിയമലംഘനത്തിനെതിരെ പിടിമുറുക്കികൊണ്ട് ഗതാഗത വകുപ്പ്.നിയമലംഘനങ്ങള്ക്ക് പിഴ ഒടുക്കാത്തവര്ക്കെതിരെ കര്ശ്ശന നടപടികള് സ്വീകരിക്കുന്ന നിയമം നടപ്പാക്കാന് ഗതാഗത വകുപ്പ് ഒരുങ്ങുന്നുവെന്ന് റിപ്പോര്ട്ടുകള്.
എംവിഡിയും പോലീസും ചുമത്തുന്ന പിഴയില് വളരെ ചെറിയൊരു ശതമാനം മാത്രമാണ് അടക്കുന്നതെന്നാണ് കണക്കുകള് പറയുന്നത്. പലരും പിഴകള് ഗൗരവത്തോടെ കാണുന്നുമില്ല. ഈ സാഹചര്യത്തിലാണ് നിയമം നടപ്പാക്കാന് ഗതാഗത വകുപ്പ് ഒരുങ്ങുന്നത്.
ഗതാഗത നിയമം ലംഘിച്ച വ്യക്തി ഇതുമായി ബന്ധപ്പെട്ട ചലാനുകള് മൂന്ന് ദിവസത്തിനുള്ളില് ഇലക്ട്രോണിക് ഡിവൈസ് വഴിയോ 15 ദിവസത്തിനുള്ളില് നേരിട്ടോ കൈപ്പറ്റണമെന്നാണ് പ്രധാന നിര്ദ്ദേശം. അതിന് ശേഷം 45 ദിവസത്തിനുള്ളില് പിഴ അടയ്ക്കുകയോ നിയമലംഘനം നടന്നിട്ടില്ലെങ്കില് തെളിവ് സഹിതം അത് തെളിയിക്കുകയോ വേണം. ഇതിന് തയ്യാറായില്ലെങ്കില് ലൈസന്സ്, രജിസ്ട്രേഷന് ഉള്പ്പെടെയുള്ളവ സസ്പെന്ഡ് ചെയ്യുന്നത് ഉള്പ്പെടെയുള്ള നടപടികള് സ്വീകരിക്കുക. അഞ്ചു തവണ ഗതാഗത നിയമലംഘനങ്ങള്ക്ക് പിഴ ലഭിച്ചിട്ടും അടയ്ക്കാത്ത വാഹനങ്ങളുടെ ആര്സി കരിമ്പട്ടികയില് ഉള്പ്പെടുത്തണം. തുടര്ന്ന് മോട്ടോര് വാഹന വകുപ്പുമായി ബന്ധപ്പെട്ട സേവനങ്ങള് നിഷേധിക്കുകയും ചെയ്യണമെന്നാണ് നിര്ദ്ദേശങ്ങളില് പ്രധാനപ്പെട്ടത്.
ചുവപ്പ് സിഗ്നല് ലംഘിക്കല്, അപകടകരമായ ഡ്രൈവിംഗ് തുടങ്ങിയ നിയമലംഘനങ്ങള്ക്ക് മൂന്നിലധികം തവണ ചലാന് ലഭിച്ചിട്ടുണ്ടെങ്കില് അത്തരക്കാരുടെ ഡ്രൈവിംഗ് ലൈസന്സ് മൂന്നു മാസം വരെ സസ്പെന്ഡ് ചെയ്യാന് സര്ക്കാരിന് സാധിക്കും. നിയമലംഘനം പതിവാക്കുന്നവരെ ലക്ഷ്യമിട്ടാണ് നിയമം നടപ്പിലാക്കാനൊരു ങ്ങുന്നത്. നിയമലംഘകരുടെയും വാഹനങ്ങളുടെ വിവരങ്ങള് വാഹന-സാരഥി പോര്ട്ടലിലേക്കും കൈമാറും.നിയമലംഘനം നടത്തുകയും മൂന്ന് മാസം വരെ പിഴയടയ്ക്കുകയും ചെയ്യാത്ത ഡ്രൈവര്മാരുടെ ലൈസന്സ് റദ്ദാക്കാനും നിര്ദ്ദേശമുണ്ട്.
