പേരാമ്പ്രയിൽ മുളകുപൊടിയെറിഞ്ഞ് യുവതിയുടെ സ്വർണ്ണം കവരാൻ ശ്രമം

പേരാമ്പ്ര: പേരാമ്പ്രയിൽ മുളകുപൊടി എറിഞ്ഞ് യുവതിയുടെ സ്വർണ്ണം കവരാൻ ശ്രമം. പേരാമ്പ്ര സ്വദേശി റസീമയ്ക്കും രണ്ടുവയസുകാരി മകൾക്കും നേരെയാണ് മുളകുപൊടി എറിഞ്ഞത്. സംഭവ സമയത്ത് റസീമയും മകളും മാത്രമാണ് വീട്ടിലുണ്ടായിരുന്നത്.    

     ഇരുവരും സ്വർണാഭരണങ്ങൾ ധരിച്ചിരുന്നു. മുളകുപൊടി എറിഞ്ഞതോടെ ഇരുവരും ബഹളം വെച്ചതോടെ മോഷ്ടാവ് ഓടി രക്ഷപ്പെട്ടു. പേരാമ്പ്ര പൊലീസിൽ പരാതി നൽകിയിട്ടുണ്ട്. സി.സി.ടി.വി കേന്ദ്രീകരിച്ച് പൊലീസ് അന്വേഷണം നടത്തുന്നുണ്ട്.