ഉള്ളിയേരിയിൽ കാർ നിയന്ത്രണം വിട്ട് മതിലിൽ ഇടിച്ച് മൂന്നുപേർക്ക് പരിക്ക്

ഉള്ളിയേരി: നിയന്ത്രണം വിട്ട കാർ മതിലിൽ ഇടിച്ചുണ്ടായ അപകടത്തിൽ മൂന്ന് പേർക്ക് പരിക്കേറ്റു. ഉള്ളിയേരി-പേരാമ്പ്ര റോഡിൽ ഇന്ന് പുലർച്ച പുളിക്കൂൽ താഴെ ആയിരുന്നു അപകടം. പേരാമ്പ്ര ഭാഗത്തുനിന്നും വരികയായിരുന്ന കാറാണ് അപകടത്തിൽ പെട്ടത്.

      മൂന്ന് പേരടങ്ങിയ വാദ്യ കലാകാരന്മാരായിരുന്നു കാറിൽ ഉണ്ടായിരുന്നത്. ഇവർ ബാലുശ്ശേരിയിലെ പരിപാടി കഴിഞ്ഞ് കൂടെയുണ്ടായിരുന്ന ഒരാളെ തെരുവത്ത് കടവിൽ ഇറക്കി തിരികെ വരുമ്പോഴാണ് അപകടത്തിൽപ്പെട്ടത്. പരിക്കേറ്റ ഒരാളെ കോഴിക്കോട് മെഡിക്കൽ കോളേജ് ആശുപത്രിയിലും, മറ്റു രണ്ടുപേരെ മൊടക്കല്ലൂർ മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.