കനത്ത ചൂടിനിടെ ആശ്വാസമായി മഴ എത്തുമോ?
ഇന്ത്യന് മഹാസമുദ്രത്തില് രൂപപ്പെട്ട ന്യൂനമര്ദത്തിന്റെ ഫലമായാണ് മഴ ലഭിക്കുക.
NDR News
20 Feb 2026 07:11 AMതിരുവനന്തപുരം :സംസ്ഥാനത്ത് കനത്ത ചൂടിനിടെ തെക്കന് കേരളത്തിന് ആശ്വാസമായി മഴ പെയ്യാന് സാധ്യത . ഇന്ത്യന് മഹാസമുദ്രത്തില് രൂപപ്പെട്ട ന്യൂനമര്ദത്തിന്റെ ഫലമായാണ് മഴ ലഭിക്കുക. അടുത്ത മൂന്ന് ദിവസം കൂടി സംസ്ഥാനത്ത് മഴയ്ക്ക് സാധ്യതയുണ്ട്.
ഇന്ന് മുതല് കൂടുതല് ജില്ലകളിലേക്ക് മഴ വ്യാപിക്കുമെന്നും മുന്നറിയിപ്പില് പറയുന്നു. ഞായറാഴ്ച എല്ലാ ജില്ലകളിലും മഴ കിട്ടുമെന്നാണ് കാലാവസ്ഥ വകുപ്പിന്റെ പ്രവചനം.
വെള്ളിയാഴ്ച മുതല് ഞായറാഴ്ച വരെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്കും സാധ്യതയുള്ളതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.
