വലിയങ്ങാടി ദുരന്തം: അത്തോളിയിൽ ഇന്ന് ( ചൊവ്വാഴ്ച) ഹർത്താൽ

അത്തോളി: കോഴിക്കോട് വലിയങ്ങാടിയിൽ കെട്ടിടത്തിന്റെ കോൺക്രീറ്റ് സ്ലാബ് തകർന്നു വീണ് അപകടത്തിൽ മരിച്ച അത്തോളി കുനിയിൽ കടവ് സ്വദേശി ബഷീറിന്റെ ഖബറടക്കം ഇന്ന് രാവിലെ 9 ന് കുനിയിൽ ജുമാ മസ്‌ജിദ് ഖബർസ്ഥാനിൽ നടക്കും. അത്തോളി കണ്ണിപൊയിൽ സ്വദേശി അഷ്റഫിന്റെ ഖബറടക്കം രാവിലെ 9 ന് ചീക്കിലോട് ജുമാ മസ്‌ജിദിലും നടക്കും.

    ആദരാഞ്ജലി അർപ്പിക്കാൻ മരിച്ചവരുടെ വീട്ടിൽ മേയർ ഒ സദാശിവൻ, ഗ്രാമ പഞ്ചായത്ത് പ്രസിഡന്റ് ജയകൃഷ്‌ണൻ മാസ്റ്റർ തുടങ്ങിയവർ രാത്രിയോടെ സന്ദർശിച്ചു. മരണപ്പെട്ടവരോടുള്ള ആദര സൂചകമായി ഇന്ന് രാവിലെ 10 വരെ അത്തോളിയിൽ കടകൾ അടച്ച്ഹർത്താൽ ആചരിക്കുമെന്ന് വ്യാപാരി വ്യവസായി ഏകോപന സമിതി ഭാരവാഹികൾ അറിയിച്ചു.