വീണാ ജോർജിന്റെ പരിക്ക് ഗുരുതരം, കഴുത്തിന് കനത്ത വേദന
ഡിസ്ചാർജ് ചെയ്യാനുള്ള സ്ഥിതിയല്ലെന്ന് മെഡിക്കൽ ബോർഡ്
NDR News
26 Feb 2026 04:51 PMകണ്ണൂര്: ആരോഗ്യമന്ത്രി വീണാ ജോര്ജിന്റെ പരിക്ക് ഗുരുതരമെന്ന് മെഡിക്കല് ബോര്ഡ് വിലയിരുത്തല്. മന്ത്രിയുടെ കഴുത്തിന് ക്ഷതമുണ്ടെന്നും കനത്ത വേദനയുണ്ടെന്നുമാണ് വിവരം. നിലവില് ഡിസ്ചാര്ജ് ചെയ്യാന് കഴിയുന്ന സ്ഥിതിയല്ലെന്നും മെഡിക്കല് ബോര്ഡ് വിലയിരുത്തി.
11 അംഗങ്ങള് അടങ്ങിയ ടീമാണ് മെഡിക്കല് ബോര്ഡിലുള്ളത്. ന്യൂറോളജി, ന്യൂറോ സര്ജറി, കാര്ഡിയോളജി, മെഡിസിന്, ഇഎന്ടി വിഭാഗം മേധാവിമാരും മെഡിക്കല് ബോര്ഡിലുണ്ട്. സൂപ്രണ്ട്, ഡെപ്യൂട്ടി സൂപ്രണ്ട്, ആര്എംഒ എന്നിവരും അടങ്ങിയ മെഡിക്കല് ടീമാണ് യോഗം ചേര്ന്നത്. വിശദമായ മെഡിക്കല് ബുള്ളറ്റിന് ഒരു മണിയോടെ പുറത്തിറക്കും. അതേസമയം ആരോഗ്യമന്ത്രിക്ക് നേരെ കരിങ്കൊടി കാട്ടിയതല്ലാതെ ആക്രമിച്ചിട്ടില്ലെന്ന വാദത്തില് ഉറച്ചുനില്ക്കുകയാണ് കെഎസ്യു, യൂത്ത് കോണ്ഗ്രസ്, കോണ്ഗ്രസ് നേതൃത്വം. ആക്രമിക്കുന്ന ദൃശ്യങ്ങള് ഹാജരാക്കുന്നവര് പാരിതോഷികം നല്കുമെന്നും സംഘടന വെല്ലുവിളിക്കുന്നു.
