താമരശ്ശേരിയിൽ ഉത്സവത്തിനിടെ ഉണ്ടായ തർക്കത്തിന് പിന്നാലെ മൂന്ന് പേർക്ക് വെട്ടേറ്റു

താമരശ്ശേരി:ഉത്സവത്തിനിടെ ഉണ്ടായ തർക്കം രൂക്ഷമായതിന് പിന്നാലെ മൂന്ന് പേർക്ക് വെട്ടേറ്റു. ചാലക്കര ഇരട്ടക്കുളങ്ങരയിലാണ് സംഭവം. കാവിലെ ഉത്സവം സംബന്ധിച്ചായിരുന്നു തർക്കം.

    കോമരത്തിന്റെ വാൾ ഉപയോഗിച്ചാണ് വെട്ടിയത്. 2 പേർക്ക് വയറിനും ഒരാൾക്ക് തലയ്ക്കുമാണ് വെട്ടേറ്റത്. പിടിച്ചു മാറ്റാൻ ശ്രമിക്കുന്നതിനിടെ മൂന്ന് സ്ത്രീകൾക്കും പരുക്കേറ്റു. പരിക്കേറ്റവർ താമരശ്ശേരി താലൂക്ക് ആശുപത്രിയിൽ ചികിത്സ തേടി.