സ്ത്രീ സുരക്ഷാ പദ്ധതി അനിശ്ചിതത്തിൽ

നടുവണ്ണൂർ:സാമൂഹിക സുരക്ഷാ പെൻഷന് അർഹതയില്ലാത്ത നിർധന കുടുംബങ്ങളിലെ സ്ത്രീകൾക്കും ട്രാൻസ് ജെൻഡറുകൾക്കും എൽ ഡി എഫ് സർക്കാർ നടപ്പിലാക്കിയ പ്രതിമാസം ആയിരം രൂപ നല്കുന്ന സ്ത്രി സുരക്ഷാ പദ്ധതി തടഞ്ഞ് യു ഡി എഫ് സർക്കാർ. ഏപ്രിൽ മെയ് മാസങ്ങളിലെ തുക അനുവദിക്കുന്നതിനുള്ള ഫയൽ ധനവകുപ്പ് തടഞ്ഞ് വച്ചിരിക്കുകയാണ്.

         31 ലക്ഷം പേർക്ക് ലഭിക്കുന്ന ഈ പദ്ധതി 2025 ഒക്ടോബർ മാസത്തിലാണ് തുടങ്ങിയത്. മാർച്ച് മാസം വരെ തുക കൊടുത്തിരുന്നു. യുഡിഎഫ് സർക്കാർ വന്നതിന് ശേഷം അതിന്റെ തുടർച്ചയുണ്ടായില്ല. മാർച്ചിൽ 16 ലക്ഷം പേർക്ക് തുക അനുവദിച്ചിരുന്നു. 5 ലക്ഷത്തിൽ അധികം അപേക്ഷകൾ പരിഗണനയിലുണ്ടായിരുന്നു. യു ഡി എഫ് സർക്കാർ 19 ന് ബഡ്ജറ്റിനു ശേഷം പദ്ധതി തുടരുമോ എന്ന ആശങ്കയിലാണ് എല്ലാവരും .