ഉക്രൈനിലെ റഷ്യൻ ആക്രമണത്തിൽ മലയാളി നാവികൻ മരിച്ചു.

ന്യൂഡൽഹി: ഉക്രൈനിലെ ഒഡേസ തീരത്ത് ചരക്ക് കപ്പലിന് നേരെ റഷ്യ നടത്തിയ വൻ മിസൈലാക്രമണത്തില്‍ മലയാളി നാവികൻ കൊല്ലപ്പെട്ടു.

       കാസർക്കോട് വെള്ളരിക്കുണ്ട് എകെജി നഗർ സ്വദേശിയായ അഖില്‍ ജോയൻ (26) ആണ് മരണപ്പെട്ടത്. നാല് ഇന്ത്യക്കാരുൾപ്പെടെ കപ്പലിലുണ്ടായിരുന്ന പത്ത് നാവികർ കൊല്ലപ്പെട്ടതായാണ് റിപ്പോർട്ടുകള്‍ വ്യക്തമാക്കുന്നത്. ഭക്ഷ്യധാന്യങ്ങള്‍ കയറ്റിപ്പോവുകയായിരുന്ന 'ഗോള്‍ഡൻ ലിയോ' (Golden Leo) എന്ന ചരക്ക് കപ്പലിന് നേരെയാണ് റഷ്യൻ യുദ്ധക്കപ്പലുകളില്‍ നിന്നും കടുത്ത ഡ്രോൺ ആക്രമണമുണ്ടായത്. കൊല്ലപ്പെട്ടവരില്‍ ഭൂരിഭാഗവും ഇന്ത്യൻ, സിറിയൻ വംശജരായ നാവികരാണെന്നാണ് വിദേശകാര്യ മന്ത്രാലയത്തില്‍ നിന്നും ലഭിക്കുന്ന പ്രാഥമിക വിവരങ്ങള്‍.

         ജോയൻ - സാലി ദമ്പതികളുടെ ഏകമകനാണ് അഖിൽ. അഖിലിന്റെ വിവാഹം രണ്ടു മാസത്തിനുള്ളിൽ നടക്കാനിരിക്കുകയായിരുന്നു. മൃതദേഹം നാട്ടിലെത്തിക്കുന്നതിനുള്ള നടപടികൾക്കായി മുഖ്യമന്ത്രിയുടെ നിർദ്ദേശപ്രകാരം നോർക്ക (NORKA) റൂട്ട്‌സ് വിദേശകാര്യ മന്ത്രാലയവുമായും റഷ്യൻ കോൺസുലേറ്റുമായും ബന്ധപ്പെട്ടുവരുന്നുണ്ട്.