ദേശിയപാതയിൽ തിക്കോടിയിൽ കാറും ലോറിയും കൂട്ടിയിടിച്ച് അപകടം.

ദേശീയപാതയില്‍ തിക്കോടിയില്‍ ലോറിയും കാറും ഇടിച്ച് അപകടം. അപകടത്തില്‍ കാര്‍ യാത്രികരായ അഞ്ച് പേര്‍ക്ക് പരിക്കേറ്റു. മുചുകുന്ന് സ്വദേശികളാണ് അപകടത്തില്‍പ്പെട്ടത്.

     പരിക്കേറ്റവരെ കൊയിലാണ്ടി താലൂക്ക് ആശുപത്രിയിലും നന്തിയിലെ സ്വകാര്യ ആശുപത്രിയിലും എത്തിച്ചു. പ്രാഥമിക ചികിത്സയ്ക്കുശേഷം ഇവരെ കോഴിക്കോടേക്ക് കൊണ്ടുപോയി.  പയ്യോളി ഭാഗത്ത് നിന്ന് വരികയായിരുന്ന കാര്‍ അതേദിശയില്‍ പോവുകയായിരുന്ന ലോറിക്ക് പിറകില്‍ ഇടിച്ചായിരുന്നു അപകടം. വൈകുന്നേരം . 4.50ഓടെയായിരുന്നു അപകടം.അപകടത്തെ തുടര്‍ന്ന് ദേശീയപാതയില്‍ വന്‍ഗതാഗതക്കുരുക്കാണ് അനുഭവപ്പെടുന്നത്.