പൂനൂരിൽ വെള്ളക്കെട്ടിൽ ബസ് കുടുങ്ങി : യാത്രക്കാർ രക്ഷപ്പെട്ടു.

താമരശ്ശേരി: പൂനൂർ കുണ്ടത്തിൽ വെള്ളക്കെട്ടിൽ പെട്ട ബസ്സിൽ നിന്ന് യാത്രക്കാരെ നാട്ടുകാർ ഇടപെട്ട് സുരക്ഷിതമായി പുറത്തെത്തിച്ചു. വെള്ളക്കെട്ടിൽ കുടുങ്ങിയ ബസ്സിൽ 25 ഓളം ആളുകളാണുണ്ടായിരുന്നത്.

​       അപകടവിവരമറിഞ്ഞ ഉടനെ തന്നെ നാട്ടുകാർ സ്ഥലത്തെത്തി രക്ഷാപ്രവർത്തനം നടത്തുകയായിരുന്നു. യാത്രക്കാരെ എല്ലാവരെയും സുരക്ഷിതമായി രക്ഷപ്പെടുത്തുകയും, പിന്നീട് ബസ് വെള്ളക്കെട്ടിൽ നിന്ന് പുറത്തേക്ക് മാറ്റുകയും ചെയ്തു. സംഭവത്തിൽ ആർക്കും യാതൊരുവിധ പരിക്കുകളോ ബുദ്ധിമുട്ടുകളോ ഉണ്ടായിട്ടില്ല.