കനത്ത മഴയിൽ വീട് തകർന്നു

കോഴിക്കോട്: മെഡിക്കല്‍ കോളേജിന് അടുത്ത് ഇന്നലെ പുലർച്ചയോടെയുണ്ടായ കനത്ത മഴയിലും കാറ്റിലും വീട് തകർന്നു വീണു. വെള്ളിപറമ്പ് സ്വദേശി നൗഷാദിന്റെ വീടാണ് തകർന്നു വീണത്. പുലർച്ചെ മൂന്നു മണിയോടെയായിരുന്നു സംഭവം. വീട്ടിലുണ്ടായിരുന്ന നാലുപേർ സിറ്റ്ഔട്ടിന്റെ ഭാഗത്തേക്ക് ഓടി മാറിയതിനാൽ രക്ഷപ്പെട്ടു.

       വീട്ടുപകരണങ്ങൾ പലതും നശിച്ചു. വീടിന് അടിയിലുള്ള മണ്ണ് ഇടിഞ്ഞു താഴേയ്ക്ക് വീഴുന്നതിനാൽ ബാക്കി ഭാഗങ്ങളും അപകടഭീഷണിയിലാണ്. ഇനിയും മഴ പെയ്താൽ വീട് പൂർണ്ണമായും തകരുമെന്ന ഭീതിയിലാണ് വീട്ടുകാര്‍.