ഓണക്കാലത്ത് റെയിൽവേ 112 സ്പെഷ്യൽ ട്രെയിൻ സർവീസ് പ്രഖ്യാപിച്ചു
ഓണക്കാലത്ത് യാത്ര തിരക്ക് ഒഴിവാക്കാൻ റെയിൽവേ 112 സ്പെഷ്യൽ ട്രെയിൻ സർവീസും കർണാടക സർക്കാർ 150 സ്പെഷ്യൽ ബസ് സർവീസും പ്രഖ്യാപിച്ചു
NDR news
15 Aug 2026 12:26 PMന്യൂഡൽഹി: ദക്ഷിണ റെയില്വേയില് നിന്ന് അമ്പത്തി നാല് ഓണം സ്പെഷ്യല് സര്വീസുകളും മറ്റ് സോണുകള് 58 സര്വീസുകളും നടത്തും. സ്പെഷ്യല് ട്രെയിനുകള് സെപ്റ്റംബര് ആദ്യവാരം വരെ സര്വീസ് നടത്തും. കേരളത്തിലേക്ക് ചെന്നൈ, ബെംഗളൂരു, ആന്ധ്രാപ്രദേശ് ഉള്പ്പെടെയുള്ള ഇടങ്ങളില് നിന്നാണ് സ്പെഷ്യല് സര്വീസ് നടത്തുന്നത്. യാത്രക്കാരുടെ തിരക്ക് പരിഗണിച്ച് ആവശ്യമെങ്കില് കൂടുതല് സര്വീസുകള് അനുവദിക്കുമെന്നും റെയിവേ മന്ത്രാലയം അറിയിച്ചു.
കര്ണാടകയില് നിന്ന് കേരളത്തിലേക്ക് നൂറ്റി അമ്പതു കര്ണാടക സ്റ്റേറ്റ് റോഡ് ട്രാന്സ്പോര്ട്ട് കോര്പ്പറേഷൻ ബസുകള് സര്വീസ് നടത്തുമെന്ന് കര്ണാടക ഗതാഗത മന്ത്രി ബി എസ് ബൈരതി സുരേഷ് പറഞ്ഞു. ഓണക്കാലത്തെ തിരക്ക് ഒഴിവാക്കാനാണ് പ്രത്യേക ബസുകള് അനുവദിച്ചിരിക്കുന്നത്.
ബെംഗളൂരുവില് നിന്ന് കോഴിക്കോട്, കോട്ടയം, പാലക്കാട്, തൃശൂര്, എറണാകുളം, ആലപ്പുഴ, കൊല്ലം, തിരുവനന്തപുരം, കാസര്കോട് എന്നീ പ്രധാന ജില്ലകളിലേക്കാണ് സര്വീസുകള് ക്രമീകരിച്ചിരിക്കുന്നത്. ഓണം ആഘോഷിക്കാനായി നാട്ടിലേക്ക് പോകുന്നവര്ക്കായി ഈ മാസം 21 മുതല് 25 വരെയാണ് കര്ണാടകയില് നിന്ന് കേരളത്തിലേക്കുള്ള സര്വീസുകള് ഷെഡ്യൂള് ചെയ്തിരിക്കുന്നത്.
