ചോമ്പാല മാടക്കരപ്പള്ളി തർക്കം പോലീസുകാർക്ക് സ്ഥലംമാറ്റം .
മാടക്കരപ്പള്ളി ഖത്തീബ് നിയമനത്തിൽ ഉണ്ടായ തർക്കം പോലീസ് ഇടപെട്ടതിൽ വീഴ്ചയുണ്ടായെന്നാരോപിച്ചാണ് അഞ്ച് പോലീസുകാർക്ക് സ്ഥലം മാറ്റം
NDR news
28 Aug 2026 10:44 AMകോഴിക്കോട്: ചോമ്പാല സ്റ്റേഷനിലെ എസ്എച്ച്ഒ ഷമീൽ പിപി ഉൾപ്പെടെ സ്റ്റേഷനിലെ 5 പോലീസുകാർക്ക് സ്ഥലംമാറ്റം..മനോജൻ എംവി, അനിൽ കുമാർ എൻപി, മനോജ് കുമാർ കെഎം, പ്രവീൺ കുമാർ സി എന്നിവരെ കോഴിക്കോട് റൂറൽ ആസ്ഥാനത്തേക്ക് സ്ഥലം മാറ്റി.
പയ്യോളി എസ്എച്ച്ഒ ജയ്മോൻ പിജെയെ ചോമ്പാല എസ്എച്ച്ഒ ആയി നിയമിച്ചു. പയ്യോളി സ്റ്റേഷനിലെ ജയദാസൻ എംകെയെ പയ്യോളി എസ്എച്ച്ഒ ആയും നിയമിച്ചു.
മാടാക്കര പള്ളി ഖത്തീബ് നിയനത്തിൽ ഉണ്ടായ തർക്കത്തിൽ പോലിസ് ഇടപെടലിൽ ജാഗ്രത കുറവുണ്ടായ പശ്ചാത്തലത്തിലാണ് 5 പോലീസുകാർക്കെതിരായ നടപടി.ഡിഐജി നോർത്ത് സോണിന്റെ നിർദേശ പ്രകാരമാണ് സ്ഥലംമാറ്റം. പൊലീസുകാർക്കെതിരെ നടപടി വേണമെന്ന് മുസ്ലിം ലീഗും കെ.കെ. രമ എംഎൽഎയും ആവശ്യപ്പെട്ടിരുന്നു.
