പാചകം ചെയ്യുമ്പോൾ പ്രഷർ കുക്കർ പൊട്ടിതെറിച്ച് യുവതിക്ക് പരിക്ക്.

കൊയിലാണ്ടി: വീട്ടിൽ പാചകം ചെയ്യുന്നതിനിടെ പ്രഷർ കുക്കർ പൊട്ടിത്തെറിച്ച് കുറുവങ്ങാട് സ്വദേശിനി വടേക്കര അലീഷ (28)യ്ക്കാണ് പരിക്കേറ്റത്. ഇന്ന് രാവിലെയാണ് അപകടം.

        പാചകം ചെയ്യുന്നതിനിടെ ​ഗ്യാസ് അടുപ്പിൽ വച്ച പ്രഷർ കുക്കർ പൊട്ടിത്തെറിക്കുകയായിരുന്നു. തൊട്ടടുത്തുണ്ടായിരുന്ന അലീഷയുടെ മുഖത്താണ് പരിക്കേറ്റത്. ഉടൻ തന്നെ യുവതിയെ കൊയിലാണ്ടി താലൂക്ക് ആശുപത്രിയിലെത്തിച്ചു. മൂക്കിന് പരിക്ക് ​ഗുരുതരമായതിനാൽ ഇവിടെ നിന്നും കോഴിക്കോട് മെഡിക്കൽ കോളേജിലേക്ക് യുവതിയെ മാറ്റി.