നോർക്ക റിട്ടേണി ഐ.ഡി കാർഡിന് അപേക്ഷിക്കാം

തിരുവനന്തപുരം: വിദേശത്തോ ഇന്ത്യയിലെ മറ്റു സംസ്ഥാനങ്ങളിലോ കുറഞ്ഞത് 2 വർഷമെങ്കിലും പ്രവാസിയായിരുന്ന ശേഷം കേരളത്തിലേക്ക് തിരിച്ചെത്തി സ്ഥിരതാമസമാക്കിയവർക്കായി സംസ്ഥാന സർക്കാർ നോർക്ക റിട്ടേണി ഐ.ഡി കാർഡ് അനുവദിക്കുന്നു.

.     കാർഡിനുള്ള ഓൺലൈൻ രജിസ്ട്രേഷൻ 2026 ഒക്ടോബർ 8, രാവിലെ 11 മണി മുതൽ ആരംഭിക്കുന്നതാണ്. രജിസ്ട്രേഷൻ ഫീസ് 200 രൂപ.കാർഡിന്റെ കാലാവധി: 3 വർഷമാണ്.

     അപേക്ഷയോടൊപ്പം നൽകേണ്ട രേഖകൾ :▪️ പാസ്പോർട്ട് സൈസ് ഫോട്ടോ▪️ ഒപ്പ്▪️ ആധാർ കാർഡ്▪️ കുറഞ്ഞത് 2 വർഷം പ്രവാസിയായിരുന്നതിന്റെ തെളിവായി താഴെ പറയുന്നവയിൽ ഏതെങ്കിലും ഒന്ന്

.     കാലാവധി കഴിഞ്ഞ നോർക്ക പ്രവാസി/NRK ഐ.ഡി കാർഡ്,പ്രവാസി ക്ഷേമനിധി ബോർഡ് അംഗത്വ കാർഡ്, പാസ്‌പോർട്ടിലെ ആദ്യത്തെയും അവസാനത്തെയും വിസാ പേജുകളുടെ സ്വയം സാക്ഷ്യപ്പെടുത്തിയ പകർപ്പ് അല്ലെങ്കിൽ ബന്ധപ്പെട്ട അധികാരിയിൽ നിന്നുള്ള പ്രവാസകാലവും തിരിച്ചെത്തി കേരളത്തിൽ സ്ഥിരതാമസമാക്കിയതും തെളിയിക്കുന്ന സാക്ഷ്യപത്രം

.     രേഖകളുടെ പരിശോധന പൂർത്തിയായ ശേഷം രജിസ്റ്റർ ചെയ്ത മൊബൈൽ നമ്പറിലേക്ക് ഇ-കാർഡ് ലഭിക്കും.