നെടുമ്പാശ്ശേരി അപകടം പ്രതിക്ക് പരമാവധി ശിക്ഷ ലഭിക്കാനുള്ള നടപടികൾ സ്വീകരിക്കും: ആഭ്യന്തര മന്ത്രി.

തിരുവനന്തപുരം: നെടുമ്പാശ്ശേരിയിൽ വാഹനാപകടത്തിൽ മൂന്നുപേർ മരിച്ച സംഭവം അങ്ങേയറ്റം വേദനാജനകമെന്ന് ആഭ്യന്തരമന്ത്രി രമേശ് ചെന്നിത്തല. കേരളത്തെ ഞെട്ടിപ്പിച്ച സംഭവമാണ്. ഓപ്പറേഷൻ തൂഫാന്റെ പ്രസക്തി വ്യക്തമാക്കുന്നതാണിത്. സ്കൂ‌ട്ടറിൽ സഞ്ചരിച്ച ഒന്നുമറിയാത്ത മൂന്നു കുട്ടികളാണ് മരിച്ചത്. ആ പ്രതിയെ രക്ഷിക്കാൻ ആരു ശ്രമിച്ചാലും നടക്കില്ല. നിയമം അനുശാസിക്കുന്ന കടുത്ത ശിക്ഷ തന്നെ വാങ്ങിക്കൊടുക്കുമെന്ന് മന്ത്രി രമേശ് ചെന്നിത്തല വ്യക്തമാക്കി.പ്രതിയെ ബോസ്റ്റൽ ഹോമിലേക്ക് അയച്ചത് എന്തിനാണെന്നാണ് പൊതുവിൽ സംശയം ഉയർന്നത്. അയാളെ ബോസ്റ്റൽ ഹോമിലേക്ക് അയച്ചത് പൊലീസ് അല്ല, കോടതിയാണ്. പൊലീസ് പ്രതിയെ കോടതിക്ക് കൊടുക്കുമ്പോൾ കോടതിയാണ് റിമാൻഡ് ചെയ്യുന്നത്. 21 വയസ്സിൽ താഴെയുള്ളവർ പ്രതികളായാൽ അവരെ ബോസ്റ്റൽ ഹോമിലേക്ക് അയക്കുന്നതാണ് നിയമം. അതിൻ്റെ അർത്ഥം പ്രതി കേസിൽ നിന്നും രക്ഷപ്പെട്ടു എന്നല്ല. നിയമം അനുശാസിക്കുന്ന എല്ലാ ശിക്ഷയും പ്രതിക്ക് നൽകാനുള്ള നടപടിയാണ് പൊലീസ് കൈക്കൊള്ളുന്നത്.

.      പ്രതിക്കെതിരെ ശക്തമായ നടപടികളുമായി സർക്കാർ മുന്നോട്ടുപോകും. മരിച്ച കുട്ടികളുടെ കുടുംബത്തിന് ഒരു ആശങ്കയും വേണ്ട. ആ കുടുംബങ്ങളെ ആരൊക്കെയോ തെറ്റിദ്ധരിപ്പിക്കുകയാണ്. ഈ പ്രതിക്ക് കൊടുക്കാൻ കഴിയാവുന്ന എറ്റവും വലിയ ശിക്ഷ വാങ്ങിക്കൊടുക്കു മെന്ന് ആഭ്യന്തരമന്ത്രി എന്ന നിലയിൽ ഉറപ്പുനൽകുക യാണെന്നും രമേശ് ചെന്നിത്തല പറഞ്ഞു. അതിനുവേണ്ടി പൊലീസും പ്രോസിക്യൂഷനും നിലകൊള്ളും. ഒരു പഴുതുപോലുമില്ലാതെ നിയമം അനുശാസിക്കുന്ന ശിക്ഷ തന്നെ പ്രതിക്ക് വാങ്ങി നൽകുമെന്ന് രമേശ് ചെന്നിത്തല പറഞ്ഞു.