കുറ്റ്യാടിയിൽ കാർ നിയന്ത്രണംവിട്ട് അപകടം കുട്ടികളടക്കം നാല് പേർക്ക് പരിക്ക്

കുറ്റ്യാടി: കുളങ്ങരത്ത് നിയന്ത്രണം വിട്ട കാർ അടച്ചിട്ട കടയിലേക്ക് ഇടിച്ചുകയറി കാർ യാത്രക്കാരായ നാല് പേർക്ക് പരിക്കേറ്റു. കുറ്റ്യാടി-നാദാപുരം സംസ്ഥാന പാതയിൽ ശനിയാഴ്‌ച രാത്രി പത്തു മണിയോടെയാണ് അപകടമുണ്ടായത്. കൈവേലിയിലുള്ള ബന്ധുവീട്ടിൽ നിന്ന് രാത്രി മടങ്ങുകയായിരുന്ന യാത്രക്കാരാണ് അപകടത്തിൽപ്പെട്ടത്. പരിക്കേറ്റവരിൽ സ്ത്രീകളും കുട്ടികളും ഉൾപ്പെടുന്നു.

.      നിയന്ത്രണം വിട്ടെത്തിയ കാർ സമീപത്തെ ഹോട്ടലിന്റെ ഭിത്തിയിലേക്ക് ശക്തമായി ഇടിച്ചുകയറുകയായിരുന്നു. ഇടിയുടെ ആഘാതത്തിൽ കട വരാന്തയുടെ മേൽക്കൂര പൂർണ്ണമായി തകർന്നു വീഴുകയും കാറിൻ്റെ മുൻഭാഗം തകരുകയും ചെയ്‌തു. അപകടം നടക്കുമ്പോൾ കട അടച്ചിട്ടിരുന്നതിനാൽ വൻ ദുരന്തം ഒഴിവായി . ഹോട്ടലാണ് അപകടത്തിൽ തകർന്നത്. അപകട ശബ്ദം കേട്ടെത്തിയ പ്രദേശവാസികളാണ് പരിക്കേറ്റവരെ ഉടൻ തന്നെ കാറിൽ നിന്നും പുറത്തെടു ത്ത് സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചത്. അപകടത്തിൽ പ്പെട്ടവരുടെ  പരിക്ക് ഗുരുതരമല്ലെന്നാണ് ലഭിക്കുന്ന വിവരം.