നടുവണ്ണൂരിൽ പിക്കപ്പ് മറിഞ്ഞ് ഡ്രൈവർക്ക് പരിക്ക്

നടുവണ്ണൂർ: ജവാൻ ഷൈജു സ്മാരക സ്റ്റോപ്പിന് സമീപം വാഴക്കുലയുമായി വന്ന പിക്കപ്പ് ജീപ്പ് നിയന്ത്രണംവിട്ട് കൈവരിയിലിടിച്ച് മറിഞ്ഞ് ഡ്രൈവർക്ക് സാരമായി പരിക്കേറ്റു. ഇന്ന് രാവിലെയാണ് അപകടം. ഡ്രൈവർ ഉറങ്ങിപ്പോയതാണ് അപകടകാരണമെന്നാണ് പ്രാഥമിക നിഗമനം.

.     അപകടത്തിൽപ്പെട്ട വാഹനത്തിൽ കുടുങ്ങിപ്പോയ ഡ്രൈവറെ നാട്ടുകാർ ചേർന്ന് വാഹനത്തിൽനിന്ന് പുറത്തെടുത്ത് ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് റോഡിൽ അൽപ്പനേരം ഗതാഗതം തടസ്സപ്പെട്ടു. സ്ഥലത്തെത്തിയ പോലീസ് അപകടത്തിൽപ്പെട്ട വാഹനം മാറ്റി ഗതാഗതം പുനഃസ്ഥാപിച്ചു.