ചേരാനല്ലൂർ വാഹനാപകട കേസിൽ അഡീഷണൽ ഡിസ്ട്രിക്റ്റ് ജഡ്ജിയുടെ അറസ്റ്റ് ഹൈക്കോടതി തടഞ്ഞു

കൊച്ചി: ചേരാനല്ലൂർ വാഹനാപകടക്കേസിൽ പ്രതിയായ അഡീഷണൽ ജില്ലാ ജഡ്ജിയുടെ അറസ്റ്റ് ഹൈക്കോടതി ഇടക്കാലത്തേക്ക് തടഞ്ഞു. ജഡ്ജി സമർപ്പിച്ച മുൻകൂർ ജാമ്യാപേക്ഷയിലാണ്, ജസ്റ്റിസ് കൗസർ എടപ്പഗത്തിന്റെ ഉത്തരവ്.എന്നാൽ അന്വേഷണവുമായി പൂർണ്ണമായി സഹകരിക്കാൻ ജഡ്ജിക്ക് നിർദ്ദേശം നൽകിയിട്ടുണ്ട്.

​.     അന്വേഷണത്തോട് സഹകരിക്കുന്ന ഒരു സിറ്റിംഗ് ജഡ്ജിയെ എന്തിനാണ് അറസ്റ്റ് ചെയ്യുന്നതെന്ന് വ്യക്തമാക്കാൻ പോലീസിനോട് ആവശ്യപ്പെട്ടു.​പൊതുബോധത്തിന് കീഴടങ്ങാൻ കോടതിക്ക് കഴിയില്ലെന്ന് വ്യക്തമാക്കി.​ജഡ്ജിയുടെ മകൻ ഓടിച്ച കാറാണ് അപകടത്തിൽപ്പെട്ടത് വാഹനത്തിന്റെ ഉടമസ്ഥൻ എന്ന നിലയിലാണ് ജഡ്ജിയെ കേസിൽ പ്രതിചേർത്തത്. നിലവിലെ സാഹചര്യത്തിൽ അദ്ദേഹത്തെ സസ്പെൻഡ് ചെയ്യേണ്ടതുണ്ടോ എന്നതടക്കമുള്ള വിഷയങ്ങൾ നിയമപരമായ പരിശോധനയിലാണ്.