കണ്ണൂർ സെൻട്രൽ ജയിലിൽ മൊബൈൽ ഫോണും ലഹരി വസ്തുക്കളും പിടിച്ചെടുത്തു

കണ്ണൂർ: അതീവ സുരക്ഷാ മേഖലയായ കണ്ണൂർ സെൻട്രൽ ജയിലിൽ തുടർച്ചയായി മൊബൈൽ ഫോണുകളും ലഹരിവസ്തുക്കളും പിടികൂടി. കഴിഞ്ഞ ഏതാനും ദിവസങ്ങളിലായി ജയിലിനുള്ളിൽ നടത്തിയ വിവിധ റെയ്ഡുകളിൽ മൊബൈൽ ഫോണുകൾ, പവർ ബാങ്കുകൾ, ചാർജറുകൾ, ഹാഷിഷ് ഓയിൽ എന്നിവ അധികൃതർ കണ്ടെടുത്തു.

.    ജയിൽ ജോയിന്റ് സൂപ്രണ്ടിന്റെ നേതൃത്വത്തിൽ നടത്തിയ പരിശോധനയിൽ രണ്ടാം ബ്ലോക്കിന്റെ പുറകുവശത്ത് കല്ലുകൾക്കടിയിൽ ഒളിപ്പിച്ച നിലയിൽ ഒരു റെഡ്മി (Redmi) സ്മാർട്ട്‌ഫോൺ, 2 പവർ ബാങ്കുകൾ, ഒരു ചാർജർ, 3 ഡാറ്റാ കേബിളുകൾ എന്നിവ പിടിച്ചെടുത്തു. ജയിലിലെ ആറാം ബ്ലോക്കിൽ നടത്തിയ പരിശോധനയിൽ ഒരു തടവുകാരന്റെ അടിവസ്ത്രത്തിൽ ഒളിപ്പിച്ച നിലയിൽ ഹാഷിഷ് ഓയിൽ അടങ്ങിയ കുപ്പിയും പിടിച്ചെടുത്തിട്ടുണ്ട്

.     ജയിൽ അധികൃതരുടെ പരാതിയുടെ അടിസ്ഥാനത്തിൽ കണ്ണൂർ ടൗൺ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്