പേരാമ്പ്ര നിയോജക മണ്ഡലത്തിൽ അഞ്ച് 108 ആംബുലൻസുകൾ അനുവദിച്ചു.
പേരാമ്പ്ര താലൂക്ക് ആശുപത്രി, ചക്കിട്ടപ്പാറ, അരിക്കുളം, നൊച്ചാട് , ചങ്ങരോത്ത് ആരോഗ്യ കേന്ദ്രങ്ങൾക്കും അനുവദിച്ച 108 ആംബുലൻസുകൾ ഫാത്തിമ തെഹ് ലിയ എംഎൽഎ ഫ്ലാഗ് ഓഫ് ചെയ്തു
NDR news
10 Nov 2026 11:17 AMപേരാമ്പ്ര: പേരാമ്പ്ര നിയോജകമണ്ഡലത്തില്‍ അഞ്ച് 108 ആംബുലന്‍സുകള്‍ സര്‍ക്കാര്‍ അനുവദിച്ചു. പേരാമ്പ്ര താലൂക്ക് ആശുപത്രി, ചക്കിട്ടപ്പാറ, ചങ്ങരോത്ത്, നൊച്ചാട്, അരിക്കുളം എന്നീ പ്രാഥമിക ആരോഗ്യ കേന്ദ്രങ്ങള്‍ക്കുമാണ് ആംബുലന്‍സ് അനുവദിച്ചത്.
. താലൂക്ക് ആശുപത്രിയില്‍ 24 മണിക്കൂറും മറ്റ് പ്രാഥമിക ആരോഗ്യ കേന്ദ്രങ്ങളില്‍ 12 മണിക്കൂറും ആംബുലന്‍സിന്റെ സേവനം ലഭ്യമാകും. ഇതോടെ നിയോജകമണ്ഡലത്തിലെ അടിയന്തര ആരോഗ്യ സേവനം കൂടുതല്‍ ശക്തമാകും. അപകടങ്ങളിലും മറ്റ് അടിയന്തര സാഹചര്യങ്ങളിലും രോഗികളെ വേഗത്തില്‍ ആശുപത്രിയിലെത്തിക്കാന്‍ ഇത് വലിയ സഹായമാകും.
. പേരാമ്പ്ര ടൗണ്‍ഹാള്‍ ഗ്രൗണ്ടില്‍ നടന്ന ചടങ്ങില്‍ ആംബുലന്‍സുകള്‍ പേരാമ്പ്ര എംഎല്‍എ ഫാത്തിമ തെഹ് ലിയ ആംബുലൻസുകൾ ഫ്ലാഗ് ഓഫ് ചെയ്തു. മണ്ഡലത്തിലെ ആരോഗ്യമേഖലക്ക് പുതിയ കുതിപ്പേകുന്നതാണ് പുതിയ ആംബുലന്‍സുകളെന്ന് എംഎല്‍എ പറഞ്ഞു. എല്ലാ പഞ്ചായത്തുകളിലും അടിയന്തര വൈദ്യസഹായം ഉറപ്പാക്കുക എന്നതാണ് ലക്ഷ്യമെന്നും അവര്‍ കൂട്ടിച്ചേര്‍ത്തു.
. ചടങ്ങില്‍ പേരാമ്പ്ര ബ്ലോക്ക് പഞ്ചായത്ത് പ്രസിഡണ്ട് മിനി വട്ടക്കണ്ടി, ഗ്രാമ പഞ്ചായത്ത് പ്രസിഡണ്ടുമാരായ ലതിക വിനോദ്, ഷിജി കൊട്ടാരക്കല്‍, രമണി, ജനപ്രതിനിധികളായ രാജന്‍ മരുതേരി, സന്തോഷ് കോശി, ആര്‍.കെ. രജീഷ് കുമാര്‍, വി.വി.എം. ബഷീര്‍, വി.കെ. നാസിദ, ജസീല വാഴയില്‍, അരവിന്ദന്‍, ഡി.പി.എം ഡോ: അഫ്‌സല്‍, ഡോ: വിഭ, ഡോ: രാജു രാഘവന്‍, മനോജ് എടാണി, പി. വാസു തുടങ്ങിയവര്‍ സന്നിഹിതരായിരുന്നു. പുതിയ ആംബുലന്‍സുകള്‍ എത്തിയതോടെ മലയോര മേഖലകളായ ചക്കിട്ടപ്പാറയിലും അരിക്കുളത്തും ഉള്‍പ്പെടെ രാത്രികാലങ്ങളിലുംഅടിയന്തര സേവനം ലഭ്യമാകും. ഗര്‍ഭിണികള്‍ക്കും അപകടത്തില്‍പ്പെടുന്നവര്‍ക്കും ഹൃദ്രോഗം പോലുള്ള അടിയന്തര ചികിത്സ ആവശ്യമുള്ളവര്‍ക്കും ഇത് വലിയ ആശ്വാസമാകും.
. ആംബുലന്‍സ്സേവനം ആവശ്യമുള്ളവര്‍ 108 എന്ന നമ്പറില്‍ വിളിച്ചാല്‍ മതിയെന്നും അധികൃതര്‍ ഓര്‍മ്മിപ്പിച്ചു.
