പാൽ വില ഉയർത്തി അമൂൽ

കൊച്ചി : പാൽ വില ഉയർത്തി അമൂൽ. 2 മുതൽ 4 രൂപ വരെ വില കൂടും. ബൾക്ക് വെൻഡിംഗ് മെഷീനുകൾ വഴി വിതരണം ചെയ്യുന്ന 'ടോൺഡ്' പാലിന്റെ വില ലിറ്ററിന് 58 രൂപയിൽ നിന്ന് 60 രൂപയായി വർദ്ധിക്കും. പാക്കറ്റുകളിൽ ലഭിക്കുന്ന 'ഫുൾ ക്രീം’ പാലിന്റെ വില ലിറ്ററിന് 72 രൂപയിൽ നിന്ന് 76 രൂപയായും പാക്കറ്റുകളിലുള്ള ‘ടോൺഡ്' പാലിൻ്റെ വില ലിറ്ററിന് 60 രൂപയിൽ നിന്ന് 62 രൂപയായും ഉയരും. 6.5 ശതമാനം കൊഴുപ്പടങ്ങിയ എരുമപ്പാലിന്റെ (ഫുൾ ക്രീം മിൽക്ക്) വില ലിറ്ററിന് 80 രൂപയിൽ നിന്ന് 86 രൂപയായി വർദ്ധിക്കും. ഡബിൾ ടോൺഡ് പാലിൻ്റെ വില ലിറ്ററിന് 54 രൂപയിൽ നിന്ന് 56 രൂപയായും,പശുവിൻ പാലിന്റെ വില 62 രൂപയിൽ നിന്ന് 65 രൂപയായും വർദ്ധിപ്പിക്കും. ക്ഷീരമേഖലയിൽ പാൽ ലഭ്യതയുമായി ബന്ധപ്പെട്ട പ്രതിസന്ധികൾ വർധിച്ചുവരുന്നുണ്ടെന്നാണ് നിലവിലെ സാഹചര്യം സൂചിപ്പിക്കുന്നത്.