എൽപിഎസ് ടി റാങ്ക് ഹോൾഡേഴ്സിന്റെ സമരപ്പന്തൽ പൊളിച്ച് നീക്കി

തിരുവനന്തപുരം: എൽ പി എസ് ടി റാങ്ക് പട്ടികയിൽ നിന്ന് നിയമനം ആവശ്യപ്പെട്ടുകൊണ്ട് സെക്രട്ടറിയേറ്റ് മുന്നിൽ സമരംനടത്തുന്ന പിഎസ് സി റാങ്ക് ഹോൾഡേഴ്സ് അസോസിയേഷന്റെ സമരപ്പന്തൽ പോലീസ് പൊളിച്ച് നീക്കി . 17 ദിവസമായി സമരപ്പന്തലിൽ നിരാഹാര സമരം നടത്തുന്ന റാങ്ക് ഹോൾഡേഴ്സ് അസോസിയേഷൻ സംസ്ഥാന സെക്രട്ടറി എസ് വളർമതിയെ പോലീസ് ബലപ്രയോഗത്തിലൂടെ ജനറൽ ആശുപത്രിയിലേക്ക് മാറ്റിയതിനു ശേഷമാണ് സമരപ്പന്തൽ പൊളിച്ചത് .

.     സമരപ്പന്തലും ഫ്ലക്സ് ബോർഡും നീക്കണമെന്ന് ആവശ്യപ്പെട്ട് പോലീസ് രണ്ട് തവണ നോട്ടീസ് നൽകിയിരുന്നു. സമരപ്പന്തൽ പൊളിച്ചതിന് തുടർന്ന് ഡിവൈഎഫ്ഐ പ്രവർത്തകർ പുതിയ സമരപ്പന്തൽ നിർമ്മിക്കാൻ ഒരുങ്ങിയത് പോലീസും പ്രവർത്തകരും തമ്മിൽ സംഘർഷത്തിനിടയാക്കി.