ഭക്തരോട് ജീവനക്കാർ മാന്യതയോടെ പെരുമാറണം: ഹൈക്കോടതി.
ഭക്തർ ഹൈക്കോടതിക്ക് അയച്ച കത്തിൽ സ്വമേധയാ ഇടപെട്ടാണ് കോടതി നിർദ്ദേശം നല്കിയത്.
കൊച്ചി: ഗുരുവായൂർ ക്ഷേത്ര ദർശനവുമായി ബന്ധപ്പെട്ട് ഗുരുവായൂർ ദേവസ്വം ജീവനക്കാർക്കെതിരെ ഹൈക്കോടതി നിർദ്ദേശം. ഭക്തർ കോടതിക്ക് അയച്ച കത്ത് സ്വമേധയാ പരിഗണിക്കുകയായിരുന്നു. ഭക്തരോട് ജീവനക്കാർ മാന്യതയോടെ പെരുമാറണമെന്നാണ് ഹൈക്കോടതി നിർദേശിച്ചത്. ഭക്തജനങ്ങളോട് ജീവനക്കാർ ക്ഷോഭിക്കരുത്. ഭക്തരും ജീവനക്കാരും ഒരു മര്യാദ പുലർത്തണം. ദർശനത്തിനായുള്ള ക്യൂ സുഗമമായി കൊണ്ടു പോകണം.എന്നാൽ ഭക്തരോടുള്ള ദേവസ്വം ജീവനക്കാരുടെ പെരുമാറ്റം അതിരു വിടരുതെന്നും ഹൈക്കോടതി നിർദേശിച്ചു.

