ദേശീയ കയാക്കിങ്, കാനോയിങ് മൽസരത്തിൽ മെഡലുകൾ നേടി നടുവണ്ണൂർ സ്വദേശിനി

നടുവണ്ണൂർ : ദേശീയ ചാമ്പ്യൻഷിപ്പിൽ രണ്ടു മെഡലുകൾ നേടി നാടിൻ്റെ അഭിമാനമായി നടുവണ്ണൂർ സ്വദേശിനി. ഹിമാചൽ പ്രദേശിൽ നടന്ന സീനിയർ നാഷണൽ കയാക്കിങ് & കനോയിങ് ചാമ്പ്യൻഷിപ്പിൽ കേരളത്തെ പ്രതിനിധീകരിച്ച്, കെ4 500 മീറ്ററിൽ വെള്ളി മെഡലും കെ2 500 മീറ്ററിൽ വെങ്കലവുമാണ് നടുവണ്ണൂർ കാവുന്തറ സ്വദേശിനി ശ്രീലക്ഷ്മി ജയപ്രകാശ് കരസ്ഥമാക്കിയത് .കാവുന്തറ ചെറുവത്ത് ജയപ്രകാശിന്റെയും നിഷയുടെയും പുത്രിയാണ് ശ്രീലക്ഷ്മി ജയപ്രകാശ്.