ദേശീയ സീനിയർ കനോ സ്പ്രിൻറ് ചാമ്പ്യൻഷിപ്പിൽ മെഡൽ തിളക്കവുമായി നടുവണ്ണൂർ സ്വദേശിനി

നടുവണ്ണൂർ: ദേശീയ സീനിയർ കനോ സ്പ്രിൻറ് ചാമ്പ്യൻഷിപ്പിൽ മെഡലുകൾ നേടി നാടിന്റെ അഭിമാനമായി ശ്രീലക്ഷ്മി ജയപ്രകാശ്. ഭോപ്പാലിൽ വെച്ച് നടന്ന 34 മത് ദേശീയ സീനിയർ കനോ സ്പ്രിൻറ് ചാമ്പ്യൻഷിപ്പിലാണ് ശ്രീലക്ഷ്മി മെഡലുകൾ വാരിക്കൂട്ടിയത്. കെ4, കെ2 ഇനങ്ങളിലായി രണ്ട് ഗോൾഡ് മെഡലും ഒരു സിൽവർ മെഡലും കരസ്ഥമാക്കി. 

   ഗുജറാത്തിൽ വെച്ച് നടന്ന 36-ാമത് നാഷണൽ ഗയിംസിലും ഗോവയിൽ വെച്ച് നടന്ന 37-ാമത് നാഷണൽ ഗെയിംസിലും ഗോൾഡ്, ബ്രോൺസ് എന്നിവ കരസ്ഥമാക്കിയിട്ടുണ്ട്. നടുവണ്ണൂർ കാവുന്തറ സ്വദേശി ആയ ശ്രീലക്ഷ്മി ജയപ്രകാശ് ചെറുവത്ത് ജയപ്രകാശ് , നിഷ എന്നിവരുടെ മകളാണ്. വോളിബോൾ താരം കൂടിയായ സഹോദരൻ ശ്രീലാൽ ഇന്ത്യൻ എയർഫോർസിൽ സേവനം അനുഷ്ടിക്കുന്നു.