വാകയാട് ഹയർസെക്കൻഡറി സ്കൂളിന് അഭിമാനമായി അമൽ ഭാസ്കർ

നടുവണ്ണൂർ: 68-മത് സംസ്ഥാന സ്കൂൾ കായിക മേളയിൽ വാകയാട് ഹയർ സെക്കൻഡറി സ്കൂളിന് അഭിമാനകരമായ നേട്ടം.

.     സീനിയർ ആൺകുട്ടികളുടെ 66 കിലോ കരാട്ടെ മത്സരത്തിൽ വാകയാട് ഹയർ സെക്കൻഡറി സ്കൂളിൽ പ്ലസ്‌വൺ കൊമേഴ്സ് ക്ലാസ്സിൽ പഠിക്കുന്ന അമൽ ഭാസ്കർ വെള്ളിമെഡൽ നേടി ഒരു നാടിന്റെയും സ്കൂളിന്റെയും അഭിമാനമായി.

.   അത്തോളി കോതങ്കൽ മേച്ചേരി വീട്ടിൽ ബിജു - നിഷ ദമ്പതികളുടെ മകനാണ് അമൽ ഭാസ്കർ . ഓൾ കേരള ഷിട്ടോറിയോ കരാട്ടെ ഗോൾഡ് മെഡൽ,ഓൾ ഇന്ത്യ ഷിട്ടോറിയോ കരാട്ടെ യൂണിയൻ ഗോൾഡ് മെഡൽ എന്നിവ അമൽ ഭാസ്കർ മുമ്പ് കരസ്ഥമാക്കിയ നേട്ടങ്ങളാണ്. അമൽ ഭാസ്കറിന്റെ ഓരോ നേട്ടങ്ങളിലും കുടുംബവും നാട്ടുകാരും വളരെ സന്തോഷത്തിലാണ്.

.    അമൽ ഭാസ്കറിനെ വാകയയാട് ഹയർ സെക്കൻഡറി സ്കൂളിലെ അധ്യാപകരും പിടിഎ യും മാനേജ്മെന്റും അഭിനന്ദിച്ചു.കായിക മേഖലയിൽ മികച്ച നേട്ടങ്ങൾ കൊയ്യുന്ന വാകയാട് ഹയർ സെക്കൻഡറി സ്കൂളിന് അമൽ ഭാസ്കറിന്റെ വിജയം അഭിമാനകരമാണെന്ന് പ്രിൻസിപ്പൽ ഡോ.ആബിദ പുതുശ്ശേരി പറഞ്ഞു.